Një zjarr i përmasave të mëdha ka përfshirë masivin pyjor në zonën e Kaçinarit, në Mirditë, duke shkaktuar dëme në një sipërfaqe të konsiderueshme.
Sipas informacioneve paraprake, flakët janë shfaqur pranë varrezave të fshatit Simon dhe dyshohet se kanë ardhur si pasojë e pakujdesisë nga ndezja e qirinjve.
Për shkak të erës dhe terrenit të vështirë, zjarri është përhapur me shpejtësi në një perimetër të gjerë.
Në vendngjarje ndodhen forcat zjarrfikëse si dhe shërbimi pyjor i Bashkisë Mirditë, të cilët po punojnë për izolimin dhe shuarjen e flakëve.
Fatmirësisht, deri më tani zjarri nuk paraqet rrezik për zonat e banuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
