Një investigim i gazetës britanike “The Independet” ka zbuluar se në Shqipëri tregëtia e pa ligjshme e kafshëve të egra ka dalë jashtë kontrollit.
Sipas artikullit, arinjtë, majmunët dhe disa shpendë janë ndër kafshët që shiten online në internet, duke ngritur frikë për mbijetesën e disa specieve në vend.
Ata sjellin në vëmendje një restorant në Drilon të Pogradecit ku ofrohet mish ariu nga gjuetia e paligjshme e tyre.
Studiuesit thanë që ishte hera e parë që ata kishin parë mish ariu të gatuar në Evropë dhe ekspertët paralajmëruan që ky lloj mishi i papërpunuar mund të çojë në shpërthim të sëmundjeve zoonotike siç është koronavirusi që është përhapur shumë në të gjithë botën.
“Organizata për mbrojtjen e kafshëve “Four Paws” zbuloi se dy nga faqet kryesore në internet të Shqipërisë përmbanin dhjetëra reklama për shitjen e arinjve të murrmë dhe specie të tjera që mbrohen me ligj. Këto kafshë mbahen në kafaze derisa u vjen koha që të gatuhen apo të shiten”, citohet nga artikulli.
Gazeta shkruan se ky është një biznes fitimprurës: për shembull një majmun i vogël kapuçin shitet për 750 € dhe një buf hambari, një këlysh ariu dhe një ujk për 500 € secili.
Sipas saj, blerësit janë kryesisht pronarë restorantesh dhe hotelesh, të cilët i mbajnë kafshët për të tërhequr turistë, ose individë që i duan kafshët.
“Shqiponjat, simboli kombëtar i Shqipërisë, janë veçanërisht të njohura me blerësit. Majmunët dhe zogjtë e preve shpesh mbahen në bare dhe restorante në Shqipëri si një atraksion turistik, ndërsa dhelprat shiten për leshin e tyre. Ujku është blerë për t’u edukuar me qen për këlyshët që të shiten si qen roje, që zakonisht përdoren në male kundër ujqërve, kurse kafshët e tjera vriten ose balsamosen”, shkruan The Independent.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
