Kryeministri Edi Rama ka bërë të ditur sot se në 5 muajt e parë të vitit 2021, 15,837 fëmijë kanë përfituar bonusin.
Përmes një postimi në rrjete sociale, kryeministri thotë se në total që nga miratimi i këtij vendimi të Qeverisë, kanë përfituar nga 40 mijë lekë, 80 mijë dhe 120 mijë lekë (të reja) më shumë se 88 mijë familje që kanë sjell në jetë fëmijët e tyre.
“Mirëmëngjes, dhe me lajmin e bukur se 15,837 fëmijë të lindur në pesë muajt e parë të vitit, kanë përfituar bonusin e bebes, e me kënaqësinë që deri tani kemi mbështetur mbi 88 mijë familje me 40,000 lekë për fëmijën e parë, 80,000 për fëmijën e dytë dhe 120,000 lekë për fëmijën e tretë, ju uroj një ditë të qetë”, shkruan Edi Rama, kryeministër i Shqipërisë.
Çdo i porsalindur që regjistrohet në Shqipëri, do të jetë përfitues i këtij bonusi nga qeveria, pavarësisht vendit se ku lindin ato, brenda apo jashtë Shqipërie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
