Që prej vitit 2004, 6 Marsi shënohet si Dita Ndërkombëtare e Logopedisë, e cila ka si objektiv kryesor informimin dhe ndërgjegjësimin mbi rëndësinë e terapisë logopedike.
Kjo ditë lidhet edhe me themelimin, në vitin 1988, të Koalicionit të Organizatave të Terapisë së të Folurit në Evropë (ESLA), Shoqata Evropiane e Terapisë së të Folurit dhe të Gjuhës.
Dita Evropiane e Logopedisë është e rëndësishme për rritjen e ndërgjegjësimit publik mbi çrregullimet e komunikimit, ndikimin e tyre në shëndetin e njeriut, të drejtat e pacientëve që përballen me këto vështirësi, si dhe për informimin mbi format dhe strukturat që u vijnë atyre në ndihmë.
Logopedia nuk njeh moshë, pasi specialistët e kësaj fushe punojnë me persona të të gjitha moshave, që nga fëmijëria e hershme deri në moshën geriatrike.
6 Marsi shërben gjithashtu për të vënë në pah rëndësinë e komunikimit dhe rolin themelor të logopedistëve në zhvillimin gjuhësor dhe komunikues të individëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
