Dita Botërore e Shpendëve Shtegtarë festohet çdo vit më 11 maj dhe synon të sjellë në vëmendje rëndësinë e mbrojtjes së shpendëve migratorë dhe habitateve të tyre. Kjo ditë ndërgjegjësuese festohet që prej vitit 2006.
Aktiviteti organizohet nga Sekretariati i Konventës për Ruajtjen e Specieve Migruese të Kafshëve të Egra (Konventa e Bonit) dhe Marrëveshja për Ruajtjen e Shpendëve Ujorë Shtegtarë Afrikano-Euroaziatikë, dy marrëveshje ndërkombëtare të administruara nga Programi i Kombeve të Bashkuara për Mjedisin (UNEP).
Kjo ditë u krijua si një nismë për të rritur ndërgjegjësimin mbi lidhjet migratore mes rajoneve të ndryshme të globit dhe nevojën për bashkëpunim ndërkombëtar në mbrojtjen e shpendëve. Aktivitetet në kuadër të saj janë zhvilluar në më shumë se 118 vende të botës.
Çdo vit, Kombet e Bashkuara shpallin një temë të veçantë, e cila shoqërohet me materiale edukative, aktivitete ndërgjegjësuese dhe vepra artistike kushtuar ruajtjes së natyrës.
Miliona shpendë shtegtarë përballen çdo vit me rreziqe të shumta, përfshirë zgjerimin e infrastrukturës energjetike dhe ndryshimet klimatike. Ekspertët vlerësojnë se zhvillimi i energjisë së rinovueshme në mënyrë të qëndrueshme mund të ndihmojë në mbrojtjen e tyre dhe në reduktimin e ndikimeve klimatike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
