Java Botërore e Ushqyerjes me Gji është një aksion madhor i cili zhvillohet çdo vit në rang botëror gjatë muajit Gusht, përkatësisht 1-7 gusht.
Kjo javë organizohet nga WABA (Aleanca Botërore për Veprim për Ushqyerjen me Gji) me mbështetjen e fuqishme të UNICEF dhe OBSH-së.
Çdo vit përzgjidhet një temë e veçantë mbi të cilën organizohet Java Botërore e Ushqyerjes me Gji, dhe jepen rekomandimet për aktivitete të ndryshme në të gjitha vendet e botës që e promovojnё këtë javë.
Ushqyerja me gji është një nga mënyrat më efektive për të siguruar shëndetin dhe mbijetesën e fëmijës dhe megjithatë aktualisht, më pak se gjysma e foshnjave nën 6 muajsh ushqehen ekskluzivisht me gji.
Në vitin 2018, një rezolutë e Asamblesë Botërore të Shëndetësisë miratoi Javën Botërore të Ushqyerjes me Gji si një strategji e rëndësishme për promovimin e shëndetit.
Fushata e këtij gushti mbështet nënat që ushqejnë me gji në të gjithë diversitetin e tyre, gjatë gjithë rrugëtimit të tyre të ushqyerjes me gji, ndërsa do të tregojë mënyrat se si familjet, shoqëritë, komunitetet dhe punonjësit e shëndetësisë mund të përkrahin çdo nënë gjidhënëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
