Në videon më poshtë shihni pamjen e Bukmirës në Mirditë, pas zjarrit që përfshiu këtë zonë në 10 ditëshin e parë të muajit gusht.
Flakët të cilat u përhapen me shpejtësi duke rrezikuar dhe banesat, kanë lënë pas dëme të shumta në këtë fshat që njihet për prodhimin e rrushit, por dhe frutikulturë të tjera.
Frrok Prenga është një ndër fermerët më të dëmtuar nga zjarri. Ai thotë se i janë shkrumbuar sipërfaqe të mëdha me ullinj dhe vreshtari, duke i shkuar dëm i gjithë mundi i jetës.
Na ka ulur në gjunjë, na ka dëmtuar. Mua më ka dëmtuar rreth 20 milionë lekë mall. Rreth 250 rrënjë ullinj, 3 dynym vresht. Na ka dëmtuar shumë rëndë. Kemi lënë djersë dhe gjak në këtë vend dhe sot shkon çdo gjë zero.
Krejt i qëllimshëm, këtu mund të kërkojë ndonjë të bëj ndonjë lloj biznesi për ta marrë me qira për shumë vjet, ose një lojë e madhe është. Se nuk është e pyjores më, duhet të jetë një lojë e madhe, neve na ka dëmtuar rëndë.
Fermeri është i bindur se zjarri në Bukmir ka qenë i qëllimshëm nga persona që duan të ngrijnë ndonjë biznes në këtë zonë.
Për të tre ditë me radhë fshati Bukmir i Mirditës ishte nën pushtetin e flakëve dhe u desh ndërhyrje nga ajri dhe toka për të shpëtuar banesat të cilat rrezikoheshin seriozisht nga zjarri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
