Stuhia e fortë ka shkaktuar probleme në disa zona të qytetit të Gjirokastrës, ku disa pemë janë rrëzuar duke bllokuar rrugë.
Sipas njoftimit të Drejtorisë së MZSH-së Gjirokastër, është marrë informacion se në lagjen Granicë dhe në Virua disa pemë janë rrëzuar si pasojë e motit të keq, duke penguar qarkullimin e mjeteve.
Menjëherë pas marrjes së njoftimit, një grup i shërbimit zjarrfikës është nisur drejt vendngjarjes për të ndërhyrë, duke larguar pemët e rrëzuara dhe duke bërë të mundur hapjen e rrugëve.
Nga incidenti nuk janë raportuar dëme ne persona të lënduar. Problematika e krijuar ka qenë vetëm bllokimi i përkohshëm i akseve rrugore, ndërsa shërbimet kanë vijuar punën për normalizimin e situatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
