Çështja e Liqenit të Ohrit ka bërë bashkë në Pogradec, ministren e Turizmit dhe Mjedisit, Mirela Kumbaro dhe homologun e Maqedonisë së Veriut, Naser Nuredini, si dhe drejtuesit vendorë të të dy vendeve.
Në fokus të takimit ishte ruajtjen e statusit në UNESCO të liqenit si dhe ndërtimi i urave juridike në përputhje me konventat ndërkombëtare.
Kumbaro shprehet se “Pogradeci na mblodhi për Liqenin e Ohrit, këtej e andej kufirit, së bashku me homologun e Maqedonisë së Veriut Naser Nuredini dhe me kryetarët e bashkive liqenore për të përveshur mëngët në ruajtjen e statusit në UNESCO”.
Peshën e përgjegjësisë e kemi të madhe sepse kemi të bëjmë me një trashëgimi natyrore dhe kulturore. Na del detyrë të ndërtojmë jo thjesht ura juridike në përputhje me konventat ndërkombëtare të UNESCO-s, por ura njerëzore, profesionale dhe besimi për ta nxjerrë në dritë një pasuri që është referencë për identitetin tonë në botë dhe një potencial i jashtëzakonshëm turistik e zhvillimor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
