Bllokohet plotësisht rruga në aksin Qafë Thore-Theth. Kjo si pasojë e rënies së ortekëve në zonën pranë tuneleve panoramike.
Në mëngjes u pastruan ortekët e rëna dhe u hap qarkullimi drejt Thethit. Por, me rritjen e temperaturave, ortekët u aktivizuan përsëri, duke bllokuar mjetet dhe duke rrezikuar udhëtarët.
Për këtë arsye është marrë vendim që të bllokohet qarkullimi deri sa të krijohet siguria për ndërhyrje për të mos rrezikuar udhëtarët, por edhe punonjësit e mirëmbajtjes.
Mësohet se periudha e bllokimit, në funksion të temperaturave, do të zgjasë deri në darkë vonë, por nëse do të rinisin reshjet e dëborës atëherë rruga do të bllokohet edhe gjatë natës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
