Kuba fillon provat klinike të vaksinës Covid-19

Kuba do të fillojë fazën e parë të provave klinike me datë 24 gusht të vaksinës kundër Covid-19.

Autoritetet shëndetësore kanë bërë me dije se ajo do të jetë e disponueshme në gjysmën e dytë të shkurtit të vitit të ardhshëm.

Vaksina do të quhet “Soberana 01” dhe do të zhvillohet nga Instituti Finlay i Vaksinave.

Mësohet se vaksina të jetë e efektshme, çdo person, do të duhet të marrë dy doza nga kjo vaksinë.

Autoritetet shëndetësore në vend theksuan se Kuba ka për qëllim që të ketë një vaksinë të vetën.

Presidenti i Kubës, Miguel Diaz-Canel, me datë 19 maj, deklaronte se vendi duhet të kishte një vaksinë të veten për të mos u varur nga shtetet e tjera.

“Edhe pse po zhvillohen disa vaksina nga shtete të tjera, neve na duhet vaksina jonë”, tha Diaz-Canel.

Kuba deklaroi se testimet e vaksinës do të nisin më 24 gusht, ndërsa 676 persona të moshës nga 18 deri në 80 vjeç do të dalin vullnetarë.

Kujtojmë se qeveria kubaneze është lavdëruar prej vitesh për zhvillimin e bioteknologjisë në vend, për krijimin e vaksinës kundër Hepatitit B dhe trajtimin e sëmundjeve të tjera si meningjiti, kanceri i mushkërisë dhe tumoret e kokës.