Ministrja e Arsimit, Sportit dhe Rinisë, Evis Kushi ka pritur sot në takim pune ministren e Arsimit, Shkencës, Teknologjisë dhe Inovacionit të Kosovës, Arbërie Nagavci.
Ministrja Kushi, përmes një njoftimi për media, tha se “kryefjala e takimit ishte vijimi i bashkëpunimit shumë të mirë në fushën e arsimit dhe shkencës, si dhe puna intensive për zbatimin e plotë dhe efikas të marrëveshjeve të deritanishme mes vendeve tona”.
“Synimi ynë i përbashkët është thellimi i bashkëpunimit me takime të përbashkëta jo vetëm në nivel ministror apo qeveritar, por edhe në nivel të institucioneve tona arsimore, me trajnime për mësuesit, shkëmbim eksperiencash për mësues e nxënës, aktivitete shkencore e konferenca për studentë e pedagogë, si dhe angazhimin tonë për mësimin e gjuhës dhe kulturës shqiptare në diasporë”, tha Kushi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
