Ministra e Arsimit, Sportit dhe Rinisë, Evis Kushi, ishte e pranishme sot në konferencën për rininë e organizuar nga Fondacioni “Qemal Stafa” dhe Fondacioni “Friedrich Ebert”.
Në konferencë u zhvillua një diskutim i hapur nga aktorë të ndryshëm, mbi rininë dhe rolin e saj në zhvillimin e vendit.
Në fjalën e saj, Kushi u shpreh se objektiv madhor i qeverisë mbetet që kapitalin njerëzor që ka Shqipëria ta orientojë në zhvillimin e vendit.
“Plani i Veprimit për Rininë 2015-2020, Ligji ‘për Rininë’ i miratuar në 2019 apo edhe nisma më e fundit ‘Gati për Shqipërinë’, janë disa prej iniciativave konkrete të ndërmarra kohët e fundit”, nënvizoi ministrja Kushi.
Ajo gjithashtu, në postimin e saj ka informuar se vetëm para pak ditësh ka filluar edhe puna për hartimin e Strategjisë Kombëtare të Rinisë 2022-2026 për vizionin dhe zhvillimin e politikave rinore.
Ligji për rininë u mundëson të rinjve krijimin e strukturave konsultative në nivel qendror dhe vendor dhe garanton pjesëmarrjen e të rinjve në vendimmarrje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
