Në Ditën Botërore kundër Varfërisë, Ministri i Mirëqënies Sociale dhe Rinisë, Blendi Klosi së bashku me Fondacionin “Fundjavë Ndryshe”, ishte pranë familjes së Ilir Jazaj në Valias të Kamzës.
Banesa ishte në gjendje të pabanueshme dhe kërkoi ndihmë për rikonstruksionin e saj. Ministria e Mirëqënies Sociale dhe Rinisë mori përsipër përmes Shkollës Karl Gega, rikonstruksionin e banesës.
Ministri Klosi deklaroi se nxënësit e profileve të ndryshme të arsimit dhe formimit profesional, do të përfshihen në programin e madh të “Arsimit Profesional në shërbim të Komunitetit” , që orët e tyre të praktikës ti zhvillojnë në dobi të ndihmës ndaj komunitetit.
Ishte ky aktiviteti i parë i fillimit të bashkëpunimit me “ Fundjava Ndryshe”, që do të vijojë në ndjekjen e cdo rasti të cdo familje në nevojë duke i ofruar atyre, gjithcka që nevojitet për daljen nga varfëria dhe futjen në tregun e punës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
