Greqia ka mbyllur kufirin e saj me Serbinë deri më 15 korrik, pas shpërthimit të rasteve në Beograd.
Në Serbi, pas gati një muaj qetësie, numri i të infektuarve u rrit sërish në mënyrë të konsiderueshme.
Kosova gjithashtu ka shtrënguar masat duke kufizuar lëvizjet e duke kthyer fashat orare.
Kryeministri Avdullah Hoti tha se nuk do të hezitojë të deklarojë një gjendje të jashtëzakonshme nëse do të jetë e nevojshme.
Ndërkohë Austria ka paralajmëruar mbylljen e kufijve për gjashtë vendet e Ballkanit Perëndimor, Bosnjë, Kosovë, Maqedoni e Veriut, Shqipëri, Mali i Zi dhe Serbi, për shkak të shifrave të larta të COVID-19.
Shtetet e tjera europiane ku po praktikohet ende izolimi janë Spanja, në rajonin e Galicisë dhe Katalonjës, si dhe Gjermania, e cila ka paralajmëruar shkurtime në sektorin e aviacionit, për shkak të mungesës së fluturimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
