Studentët e Mjekësisë po protestojnë prej disa orësh kundër projektligjit me anë të cilit qeveria synon të frenojë ikjen e bluzave të bardha. Një nga studentët tha për mikrofonin e MCN Tv se nëse nuk ka një reagim ata do të përshkallëzojnë protestat. "Nuk jemi dakord të gjithë studentët, do të vazhdojmë me përshkallëzim. Ne jemi në sezon provimesh. Në vitin e ri Akademik nëse nuk kemi reagime do të vazhdojmë me bojkotin. Ne jemi pro që të na dëgjohet zëri, qeveria po na neglizhon, nuk e shohim normale". Një tjetër student tha: Mendoj se arsyeja kryesore që studentët e tjerë që nuk janë të pranishëm është se janë me sezon apo se nuk ndodhen në Tiranë. Vetë koha që është vendosur është jo në sinkron me pjesëmarrjen e njerëzve. Jemi akoma në sezon dhe shumë kanë lënë në mes provimet. Kemi rënë dakord që tetorin ta bojkotojmë nëse nuk ka reagime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
