Pas takimit që zhvilloi ditën e djeshme Urdhri i Farmacistëve me kryetarin e opozitës, Lulzim Basha, farmacistët kanë reaguar duke u shprehur se ky Urdhër duhet të jetë i depolitizuar.
Duke iu referuar Satuti i UFSH, farmacistja Klodi Gishti thotë se në bazë të nenit 4 të tij, “Urdhri është person juridik i pavarur, krejtësisht profesional i shoqërisë civile. Ai është i depolitizuar dhe i departizuar, i hapur dhe i barabartë për të gjithë anëtarët, pavarësisht nga përkatësitë e tyre racore, fetare apo bindjet politike. Është kategorikisht e ndaluar që gjatë veprimtarisë së tyre, në organet e strukturat e të gjitha niveleve të Urdhrit, të diskutohen apo reflektohen dukuri ose probleme të karakterit politik, partiak, racor, etnik e fetar”.
Farmacistët pohojnë se nuk janë kundër ngritjes së problematikave që ka sistemi farmaceutik si privat dhe publik, por ato të adresohen tek instancat dhe institucionet e duhura, në mënyrë që të gjejnë zgjidhje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
