Prokuroria e Tiranës zbuloi një skemë të mashtrimit me pacientët e sëmurë me tumor, ku 7 mjekë mes të cilëve edhe zv/drejtoresha e QSUNT-së, Brikena Qirjazi, janë nën hetim.
Ata dyshohet se në bashkëpunim me njëri-tjetrin orientonin pacientët e diagnostikuar me sëmundje tumorale në klinika private me qëllime përfitimi.
Gazetari Besmir Pula në një raportim nga QSUT-ja për MCN Live mori prononcime nga disa familjarë të pacientëve.
“I pashë lajmet. Mirë kanë bërë, hallall. Shyqyr Zotit që është dikush që denoncon”, u shpreh një zonjë.
Ndërkaq një zotëri tha: “Kam një operacion, motrën time. Shërbimi është bërë shumë i mirë, korrekt. Prokuroria bën punën e vet”.
Në njoftimin e Prokurorisë në lidhje me rastin thuhej gjithashtu se:
"Gjithashtu, në vijim të veprimeve hetimore rezultoi se në Spitalin Onkologjik në QSUNT u instalua një Aparaturë Kobalto-Terapie për trajtimin e të sëmurëve të diagnostikuar me sëmundje tomorale dhe sidomos të sëmundjeve të kancerit të lëkurës. Që të përdoret Kobalto Therapy duhet të krijohet një bunker antiradioaktiv ose antiatomik në kushtet e miratuara dhe të prezantuara nga Agjensia Atomike e Vienës ose Agjencia Ndërkombëtare që thirret IEAHEA. Hetimet zbuluan se ky bunker jo vetëm nuk u krijua por aparatura u vendos jashtë kushtetve teknike".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
