Organizata Botërore e Shëndetësisë (OBSH) ka thënë të martën se është e shqetësuar që përhapja e koronavirusit të ri është duke u regjistruar në mesin e personave të moshave 20, 30 dhe 40-vjeçare, shumica e të cilëve nuk kanë qenë të vetëdijshëm se kanë qenë të infektuar, çka përbën rrezik për grupet e ndjeshme.
Zyrtarët e OBSH-së kanë thënë këtë muaj se shifra e të rinjve të infektuar është rritur në nivel global, duke rrezikuar kategoritë e ndjeshme të shoqërisë në gjithë botën, duke përfshirë të moshuarit dhe të sëmurët.
”Për shkak se shumë nga të rinjtë janë asimptomatikë ose kanë simptoma të buta të Covid-19, ata pa dashje transmetojnë virusin te të tjerët”, theksoi Takeshi Kasai, drejtor rajonal i OBSH-së me qendër në Manila.
“Kjo rrit rrezikun e infektimit për më të prekurit, të moshuarit, njerëzit që jetojnë në zona me popullsi të dendur dhe zona rurale të pa shërbyera mirë”, tha ai në një konferencë për shtyp.
“Ne kemi nevojë për të dyfishuar përpjekjet tona për të parandaluar që virusi të shkojë në komunitete të cenueshme”, shtoi ai.
Rajoni i Paqësorit Perëndimor, i cili përfshin 27 vende në Azi dhe Paqësor, deri më tani ka konfirmuar mbi 400 000 infeksione me koronavirus dhe gati 9 300 vdekje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
