Vittorio Sgarbi, politikani dhe kritiku i artit, i cili ka ardhur për të vizituar Shqipërinë u përball me një incident që mund t’i kishte marrë jetën.
Kritiku italian i artit dhe politikan, ka qenë duke notuar në Palasë, por dallgët e mëdha ia kanë vështirësuar notimin duke bërë që të rrezikojë edhe të mbytet.
Sgarbi u zhduk papritur në det për shkak të dallgëve, por më pas u shfaq përsëri, duke u përpjekur për të dalë në breg.
Ka qenë vajza e tij, Alba dhe një roje shpëtimi nga vendpushimi, të cilët e ndihmuan që të dilte nga deti.
Në këtë incident Sgarbi humbi syzet e tij që nuk i heq kurrë. Me Sgarbin, përveç bashkëpunëtorëve të tij, ishte edhe kryetari i bashkisë së Vlorës, mjeku Dritan Leli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
