Dita e Infermierëve/ Meta: Përmirësimi i kushteve dhe trajtimi i duhur financiar për ta

Sot në mbarë botën shënohet Dita Ndërkombëtare e Infermierëve.

Në ditën e tyre, presidenti i vendit Ilir Meta, ka përgëzuar të gjithë punën dhe misionin e infermierëve, sidomos në këtë kohë pandemie duke luftuar ditë e natë me humanizëm, përkushtim dhe sakrifica të jashtëzakonshme, deri duke rrezikuar jetën e tyre.

Ndër të tjera Meta thekson se përmirësimi i kushteve të punës dhe trajtimi i duhur financiar për infermierët është vendimtar.

 “Gjatë kësaj krize të rëndë të pandemisë, infermierët kanë bërë një punë heroike, duke luftuar ditë e natë me humanizëm, përkushtim dhe sakrifica të jashtëzakonshme, deri duke rrezikuar jetën e tyre në mbrojtje të shëndetit tonë.

Sot, në Ditën Ndërkombëtare të Infermierit, ne u jemi më mirënjohës se kurrë për kujdesin dhe profesionalizmin e dëshmuar në vijën e parë të frontit kundër armikut të padukshëm.

Përmirësimi i kushteve të punës dhe trajtimi i duhur financiar është vendimtar për të frenuar largimin e tyre nga vendi dhe rritur standardet e shërbimit tonë shëndetësor”, shkruan Meta.