Përtej efektit financiar, për shkak të mbylljes së pjesë më të madhe të bizneseve, karantina pritet të ketë edhe pasoja psikologjike, që mund të gjenerojnë konflikte me kalimin e kohës. Në kushtet e karantinës, grafiku emocional negativ mund të rritet. Ish-deputeti Edmond Stokju, mjek në profesion, sugjeron që krahas masave të tjera, të ndërtohen edhe mekanizmat që parandalojnë tensione në mesin e njerëzve që rrinë të mbyllur.
“Ngrini Komitetin Kombëtar, ndërtoni strategjinë kombëtare, ndajini politikat sektoriale, krijoni grupet e punës, vendosni afatet e veprimit sipas manualeve psiko-mjekësore, vendosni standardet e reja të komunikimit mediatik dhe specifik sipas rastit, moshor, gjinor profesional, intelektual etj... Shembull sa për kujtesë, mediat italiane. Kjo është emergjenca e vërtetë kombëtare. Grafiku emocional negativ, familjar e shoqëror po rritet, temperatura premton tension. Ndiejeni sa s'është vonë, se pastaj do jetë shumë vonë. Le të fillojmë të marrim masat, të ndërtojmë barrikadat e cunamit emocional negativ. Akoma s'kuptohet, por ndihet”, shkruan Stojku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
