Maqedonia e Veriut vijon të përballet me një situatë të rënduar për sa i përket pandemisë së koronavirusit.
Autoritetet shëndetësore raportojnë se në 24 orët e fundit në vend kanë rezultuar pozitivë me Covid-19, 125 persona të tjerë.
Gjithashtu 2 persona kanë humbur betejën me virusin duke e çuar në 151 bilancin total të viktimave. Shkupi vazhdon të mbetet vatra e rasteve të reja dhe sipas raportit, në kryeqytet janë shënuar 46 raste.
Numri i të infektuarve me koronavirus në Maqedoninë e Veriut që nga nisja e pandemisë ka arritur në 2915 prej të cilëve 1,640 janë shëruar.
Ministri i Shëndetësisë, Venko Filipçe, ka sqaruar se numri i lartë i të infektuarve ka të bëjë me mosrespektimin e masave mbrojtëse, por edhe me numrin e lartë të testeve të kryera, që sipas tij është më i lartë, krahasuar me vendet e rajonit.
Sakaq, që nga dita e premte qytetet më të prekura si Shkupi, Kumanova, Tetova dhe Shtipi janë në izolim të plotë. Ndalimi i lëvizjes në këto qytete do të vazhdojë deri të hënën në 05.00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
