Në Spitalin Rajonal të Fierit, është zhvilluar procedura e parë Laparoskopike Hernioplastikë, e cila ka rezultuar me sukses.
Këtë e ka bërë të ditur vetë mjekja në Spitalin Rajonal të Fierit, Rudina Degjoni, përmes një postimi në median sociale Twitter.
“Procedura e Parë Laparoskopike Hernioplastikë Plotësisht Ekstra-Peritoneale u përfundua me sukses”, shkruan ajo.
Edhe më herët, ministrja e Shëndetësisë, Ogerta Manastirliu, me anë të një postimi në median sociale Twitter, ka bërë me dije se është kryer ndërhyrja e parë kirurgjikale në Spitalin Memorial të Fierit.
Spitali Rajonal Memorial i Fierit është një investim i Republikës së Turqisë, në të cilin do të aplikohet për herë të parë modeli i autonomisë spitalore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
