Nelson Mandela ishte president i Afrikës së Jugut, aktivist kundër aparteidit dhe një nga figurat më të shquara në luftën për liri, barazi dhe të drejtat e njeriut.
Ai studioi drejtësi dhe ia kushtoi jetën kundërshtimit të diskriminimit racor ndaj popullsisë së zezë në Afrikën e Jugut. Për shkak të veprimtarisë së tij politike, Mandela kaloi 27 vjet në burg.
Nelson Mandela lindi më 18 korrik 1918. Në nder të jetës dhe veprës së tij, Asambleja e Përgjithshme e Organizatës së Kombeve të Bashkuara (OKB) shpalli në vitin 2009 datën 18 korrik si Ditën Ndërkombëtare të Nelson Mandelës.
Kjo ditë shërben për të nderuar kontributin e Mandelës në promovimin e paqes, pajtimit, demokracisë dhe drejtësisë sociale. Ai ishte fitues i Çmimit Nobel për Paqe, të cilin e mori në vitin 1993 për rolin e tij në përfundimin paqësor të aparteidit dhe ndërtimin e një Afrike të Jugut demokratike.
Në këtë ditë, njerëzit në mbarë botën inkurajohen të bëjnë 67 minuta shërbim për komunitetin, në simbol të 67 viteve që Nelson Mandela ia kushtoi shërbimit publik dhe luftës për liri e barazi.
Dita Ndërkombëtare e Nelson Mandelës është një thirrje për solidaritet, humanizëm dhe angazhim qytetar, duke na kujtuar se secili prej nesh mund të japë një kontribut për ta bërë botën një vend më të drejtë dhe më të mirë për të gjithë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
