Avokati i Popullit nis hetim në lidhje me rastin e shtetasit që ka pësuar gjendje kome pas arrestimit nga policia.
Nisur nga raportimet në media, institucioni i Avokatit të Popullit ka nisur një hetim në lidhje me rastin shtetasit J.R, 27 vjeç, nga Tirana, i cili pas arrestimit i akuzuar për një vepër penale ka pësuar probleme serioze të gjendjes shëndetësore dhe është dërguar në QSUT ku rezulton në gjendje komatoze.
Avokati i Popullit është duke hetuar procedurat e dhënies së kujdesit shëndetësor këtij shtetasi në mjediset e Bllokut të Sigurisë të DVP, Tiranë, ku ai kishte shfaqur shqetësime që në datën 14.04.2023, e më pas edhe në datë 17.04.2023.
Avokati i Popullit për të disatën herë ngre zërin për përmirësim rrënjësor të standardeve të kujdesit shëndetësor në ambientet e paraburgimit dhe ato të vuajtjes së dënimit si dhe kërkon hetim të shpejtë, të saktë dhe efektiv për këtë rast.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
