Dyshimet se në Shqipëri ka tashmë dy persona të dyshuar më variantin Delta, i mohon Instituti I Shëndetit Publik, i cili thotë se deri tani nuk ka asnjë rast të konfirmuar me variantin Delta.
Instituti i Shëndetit Publik ka njoftuar se pavarësisht numrit të testimeve, ende nuk ka sinjale për prezencën e këtij varianti të COVID në Shqipëri.
“Instituti i Shëndetit Publik informon se deri tani në Shqipëri nuk është identifikuar asnjë rast i variantit Delta. Pavarësisht numrit të lartë të testimeve, nuk kemi sinjale për prezencën e këtoj varianti në vendin tonë.
Instituti i Shëndetit Publik po monitoron me kujdes situatën e epidemisë së Covid19 në vend dhe për çdo rast të dyshuar, do të bashkëpunojë me institucionet e referencës, gjë e cila është pjesë e praktikës së punës së këtij institucioni”, thuhet në deklaratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
