Këngëtari Lirim Muçollari dhe tastieristi Florjan Pollozhani, folën në emisionin “Zgjohu me Mcn” për këngën e tyre më të re “Falmi buzët”. Muçollari tregon se ai është tekstshkruesi i këngës, dhe projekti ka nisur 8 muaj më parë.
Muçollari vë në dukje se baza e tyre janë këngët retro dhe këngët e liqenit.
Lirim Muçollari tha:
“Ky projekt ka gati 8 muaj që ka nisur. Muzikën dhe orkestrimin e ka bërë miku jonë Ilir Selimi. Tekstet gjithmonë i bëj vetë. Jam vet pak natyrë e batutës. Kemi gati 15 vite që bashkëpunojmë bashkë me Florjanin. Gjysmën e ditës ne e kemi bashkë. Ditët dhe datat e verës janë zënë. Baza jonë janë këngët retro dhe këngët e liqenit. Duhet t’ua ruash pak karakterin këngëve. Pjesën e muzikës së vjetër e shijojnë, ndërsa për ahengun ne jemi ballkanas, dihet ajo...”
Florjan Pollozhani u shpreh:
“Jemi natyra të ngjashme si në jetë, si në punë. Vera jonë fillon në 1 maj dhe mbaron në 31 shtator. Pjesa më e madhe e klientelës janë besnikë, 10-15 vjeçarë. Jemi bërë edhe matës të mirë konsumit, dhe kuptojmë më mirë tavolinat”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
