Pakistan/ Një vajzë 6-vjeçare përdhunohet dhe më pas vritet

Një vajzë gjashtë vjeçare është gjetur e vrarë në një pulari në provincën veriperëndimore të Pakistanit, Khyber Pakhtunkhwa, rrethi Nowshera.

Policia kishte nisur kërkimet për gjetjen e 6-vjeçares, pasi familjarët kishin raportuar për zhdukjen e saj.

Trupi i pajetë i vajzës së vogël u gjet vetëm dy orë më vonë, 100 metra larg banesës, brenda një thesi ku shenjat e dhunës dalloheshin qartë.

I dyshuar për krimin është një 18 vjeçar që jetonte afër familjes së viktimës, i cili u arrestua pas rrëfimit të ngjarjes, duke pohuar se e kishte vrarë të miturën nga frika se mos do të tregonte për dhunën seksuale që pësoi.

Seema nuk është një rast i izoluar në vend.

Në muajin prill në Punjab, një vajzë vetëm 7-vjeçare u përdhunua dhe u vra, ndërsa trupi i saj u gjet pa krah.

Në janar të vitit 2020, një vajzë tjetër 7-vjeçare, u përdhunua dhe u vra nga dy djem.

Ndërkohë një revoltë e madhe qytetare ka shpërthyer në rrjetet sociale, ku kërkohet drejtësi për Seemën, ndërsa shpërndahen edhe shumë foto prekëse.