Banorët e fshatit Qafë Shkallë në Belsh kanë protestuar javën e fundit para Bashkisë së Belshit, pasi atyre po u merret prona, që sipas tyre e kanë që nga stërgjyshi, dhe që kanë mbi 20 vite që e kultivojnë. Qeveria e ka dhënë tokën e tyre për kompensim një ish-pronari, të paktën kjo thuhet nëpër letra. Banorët akuzojnë kryetarin e Bashkisë Belsh se po u shet fashatin.
Banori Antonio Dervishi duke folur për emisionin “Fol” tha: “Sado që po vuajmë edhe shteti s’po na lë rehat. Ne e kemi me dokumente të vjetra tokën. Jemi për t’u kompensuar edhe ne, dhe vjen dikush tjetër që s’ka lidhje me fshatin tonë dhe kompensohet me tokën tonë. Kjo çështje u mor vesh kur policia kapi zotërinë, që ke zaptuar pronën, pronën e tij! Ka 25 vjet që është e mbjellë me ullinj.
Kam qenë në 2010-ën, me thoshin s’kemi ligj për ta regjistruar. Kam qenë prapë në 2015-të, po i njëjti problem. Në 2021-shin më përcollën nga bashkia në një zyrë tjetër. Më thanë që pjesa e ullishtesh është lënë për kompensim!”
Një banor u shpreh: “Mua më arrestuan kur isha në punë, duke punuar me zetor. Më thanë ke zaptuar pronat. Më morën në pyetje, tokat i ke zaptuar. Më thanë ke zaptuar tokat e Xhaferr Kokobobos. Unë nuk e njoh këtë njeri. Pastaj mësova që kishte marrë edhe toka të tjera në fshat. Shumica e njerëzve kanë mbi 30 vjet që kanë mbjellë këtu”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
