Gazetari Besmir Pula tha në studion e MCN Live se raporti i mjekësisë ligjore ka vërtetuar që 36-vjeçari Zamir Meta ka abuzuar seksualisht me vajzën e tij 12-vjeçari.
Burime nga Policia e Fierit na bëjnë me dije që ditën e djeshme ka dalë raporti i ekspertizës ku ka konkluduar që vajza është e defloruar, është elementi ligjor për të provuar se babai ka abuzuar me vajzën 12-vjeçare. Ky raport mbështet dhe deponimet, qoftë të mamasë dhe më pas dhe deklarimin e vetë vajzës.
36-vjecari ka folur pak. Ka pranuar krimin, është justifikuar me idenë se ka kryer vetëm një herë marrëdhënie. Këtë nuk dimë të themi. Kemi deklarimet e të ëmës që thotë që fëmija është abuzuar që në moshën 5-vjeçare.
Nëna ka pranuar faktin që vajza nuk i fliste dhe se grindej me vëllezërit dhe motrat. Kanë qenë fqinjët që e kanë ndihmuar vajzën. Vetë nëna e pranon që vajza ishte në gjendje emocionale, e ka kuptuar që ajo ishte e mbyllur dhe nuk fliste fare. Duhet të ngrinte alarmin.
Më tej Pula tha se policia po heton nëse ka pasur abuzim e fëmijët e tjerë dhe se nëna ka dhënë dëshmi konfuze në dëshminë e saj në polici.
12-vjeçarja është në një qendër rehabilituese në Tiranë. Rasti është në hetim dhe do të shihet nëse ka pasur abuzime me fëmijët e tjerë.
Nëna ka qenë konfuze në polici. Ka thënë shumë gjëra, më shumë sesa ka thënë në media. Policia po heton detajet që ka thënë nëna.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
