Këngëtarja Gigliola Haveriku flet për rrugëtimin e saj artistik nga “The voice” te përfshirja në industrinë e muzikës, si dhe lidhjen me vajzën e saj Isabel.
Në emisionin “Zgjohu me MCN” ajo tha se mes mëmësisë dhe profesionit është shumë e zënë.
Tashmë del dhe kënga ime e re. Është një material që e kam shkruar vetë, e kam përzemër. Është dedikim ndaj vajzës sime, por gjithsesi mund të gjejë veten në tekst.
Unë nuk e përmend në asnjë moment që është për mëmësinë, por është një rrugëtim i imi deri tek ai moment. Vajza ka qenë muza ime.
Unë kam qenë aktive deri në muajin e shtatë të shtatzënisë këngën dhe nuk pata shkëputje të madhe, u ktheva kur vajza ishte dy muajshe.
E merrja me vete. Pas bërjes nënë përgjegjësia rritet, prioritetet janë të tjera.
Partneri im më ndihmon shumë dhe nuk do ia dilja dot me angazhimet e mia, po të mos ishte ai dhe mami im, se kryesisht punojmë darkave.
Në karakter vajza po merr trajtat e mia. Nëse do rikthehem do jetë në festivalin e RTSH-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
