Lija e majmunëve, OBSH thotë se transmetimi i virusit mund të ndalet

Është e mundur që të frenohet transmetimi i rasteve të lisë së majmunëve në vendet ku sëmundja nuk është endemike.

Kështu deklaroi Maria Van Kerkhove, drejtuese e kërkimit mbi sëmundjet e reja në Organizatën Botërore të Shëndetësisë.

Ne synojmë të ndalojmë transmetimin e virusit nga njeriu te njeriu dhe jemi në gjendje ta bëjmë këtë në vendet ku lija e majmunëve nuk është endemike. Jemi në një situatë ku mund të përdorim mjetet e shëndetit publik për të identifikuar herët rastet dhe për të adresuar izolimin e tyre.

Infektimi, ndodh përmes kontaktit të ngushtë fizik, lëkurë me lëkurë dhe shumica e rasteve të vërejtura deri më tani nuk e kanë sëmundjen në formë të rëndë. Identifikimi i hershëm dhe izolimi i rasteve janë pjesë e masave të rekomanduara nga OBSH.

Kerkhove shtoi se nuk është ende e qartë nëse virusi përgjegjës për linë e majmunëve, ka pësuar mutacion dhe se përgjigja mund të vijë vetëm nga analiza e sekuencës së tij gjenetike

Teksa disa raste të lisë së majmunit janë identifikuar në mesin e burrave që kanë kryer marrëdhënie seksuale me burra, nënvizohet se kjo nuk është një sëmundje homoseksuale, siç disa njerëz janë përpjekur të etiketojnë në rrjetet sociale.

Kjo deklaratë u bë nga Andy Seale, konsulent strategjik për programet globale në OBSH.