Në muajin mars e kishte quajtur pandeminë Covid-19 një “ndëshkim hyjnor për homoseksualitetin”, por me 1 prill ministri ultrakonservator i shëndetit izraelit, Yaakov Litzman doli pozitiv me koronavirus bashkë me gruan e tij.
Litzman, i cili është një rabin, ka shkelur në mënyrë të përsëritur masat për distancimin social, duke marrë pjesë në disa takime adhurimi dhe gjithashtu duke ekspozuar ndaj infeksionit autoritete të shumta në vend.
Kryeministri Benyamin Netanyahu është vetëkarantinuar, gjithashtu edhe kreu i Mossad, Yossi Cohen, por edhe shefi i shtabit Aviv Kohavi dhe dy gjeneralë të tjerë.
Në përgjithësi, komuniteti i madh ḥaredi, në të cilin Litzman është anëtar, ka shënuar një numër të madh infeksionesh për shkak të injorimit të masave të vendosura nga qeveria për të kufizuar përhapjen e virusit.
Kujtojmë se nuk ishte vetëm ministri Litzman ai që sulmoi komunitetin homoseksual, gjithashtu në Izrael, rabini ultraradikal Meir Mazuz, paradën e homoseksualëve e konsideroi një paradë kundra natyrës, pasi sipas tij, kur dikush shkon kundër natyrës, ai që e krijoi atë hakmerret ndaj tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
