Ka vijuar aksioni për lirimin e dy godinave në plazhin e Durrësit, ku janë strehuar 32 familje.
Gazetarja Ervina Garo raportoi për edicionin e lajmeve në MCN TV se ka pasur kundërshti nga banorët por jo rezistencë me force ndaj përmbarimit, i cili ka boshatisur godinat që t’ia rikthyer pronarit të truallit i cili ka pasur të drejtën e parablerjes dhe në këto kushte janë shitur dy godinat, duke vënë në vështirësi këta banorë.
Prej më shumë se tre dekadash, ato gëzonin statusin e të pastrehëve dhe ishin sistemuar në godinat numër 36 dhe 38 në rrugën “Albanopoli”.
Por më 20 shtator të vitit 2012, Bashkia e Durrësit dhe Ministria e Financave ia shitën këto godina pronarit të truallit Mikel Noçka.
Banorët thonë se nuk janë kundër zbatimit të vendimit, por duhej të pritej që vendimi i gjykatës të merrte formën e prerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
