Metrotë dhe autobusët e transportit publik në qytetin e Nju Jorkut kanë nisur përdorimin e llambave të fuqishme ultravjollcë për të dezinfektuar ambientet.
Mësohet se Autoriteti i Transportit Metropolitan (MTA) ka vendosur 150 pajisje të lëvizshme me llamba ultravjollcë si pjesë e fazës së parë të planit.
Kjo iniciativë është pjesë e një partneriteti midis MTA dhe Universitetit të Columbias, sipas të cilëve, drita UVC mund të përdoret për të zhdukur virusin Covid-19.
“Drita UVC, e cila po përdoret për dezinfektimin e autobusëve është konsideruar si shumë efikase për luftën ndaj virusit Covid-19 që mund të gjendet në sipërfaqet e autobuzëve, trenave dhe metrove”, tha David Brenner, drejtor i qendrës për kërkime radiologjike në Universitetin e Columbias.
Ekspertët mendojnë se drita ultravjollcë UVC është shumë efikase për eleminimin e materialit organik të grimcave virale dhe mund të shërbejë për rrjedhojë edhe për zhdukjen e koronavirusit.
Kujtojmë se llambat UVC dhe robotët po përdoren gjithashtu për pastrimin dhe sterilizimin e ujit, objekteve laboratorike dhe hapësirave të autobusëve dhe aeroplanëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
