Panairi “Shijo produktet lokale të Tiranës“, i hapur prej tre ditësh në sheshin “Skënderbej” në kryeqytet, tashmë është kthyer në traditë ekspozimi i produkteve vendase bio.
Shumë biznese të vogla nga fshatrat e Tiranës, që i janë kushtuar më së shumti zhvillimit të agroturizmit me bazë produktet bio të zonave periferike, janë bërë pjesë e tendave në këtë panair, ka bërë të ditur kryebashkiaku i Tiranës Erion Veliaj.
“Po ti e ke vizituar panairin? “Shijo produktet lokale të Tiranës” e ka kthyer sheshin “Skënderbej” në tregun më të madh të produkteve lokale. Sot dita e fundit, ndaj eja e bëj pazarin e së dielës. Ju mirëpresim,” shkruan Veliaj.
Hapja e këtij panairi kushtuar produkteve bujqësore dhe blegtorale bëhet me qëllim të dhënies prioritet të ekonomisë lokale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
