Ministria e Arsimit dhe Sportit ka publikuar sot datat e provimeve të Maturës Shtetërore për sezonin 2020-2021.
Në njoftimin e bërë thuhet se është caktuar data 3 qershor për provimin e parë, që është ai i gjuhës së huaj. Më pas, me 7 qershor, do të jetë provimi i Gjuhës Shqipe dhe Letërisë.
Matematika do të jetë më 11 qershor dhe provimet me zgjedhje më 15 qershor.
Aktualisht përveç universiteteve, gjimnazet dhe 9-vjeçaret e zhvillojnë mësimin në auditore. Kështu ndryshe nga studentët, të paktën deri më tani e sigurtë është që provimet e Maturës Shtetërore do të zhvillohen në shkolla. Kjo metodë u ndoq edhe sezonin e kaluar pavarësisht se pandemia ishte në fillimet e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
