Stafi i ambasadës amerikane që jeton dhe punojnë në Tiranë, i kanë përshëndetur shqiptarët me anë të një video, ku edhe listojnë 10 gjërat që pëlqejnë dhe ju bëjnë më shumë përshtypje në vendin tonë.
Stafi i ambasadës në këtë mesazh të veçantë falënderimi për popullin shqiptar, nëpërmjet videos ku shfaqet i gjithë personeli amerikan, duket se janë të kënaqur nga jeta në vendin tonë.
Ata vlerësojnë bashkëpunimin, lidhjet e ngushta mes vendeve tona, por janë edhe të çmendur pas rakisë dhe ju bën shumë përshtypje trafiku i çmendur apo përshëndetja, “mirë, mirë, mirë?”.
Me pak humor por edhe shumë mirënjohje për mikpritjen shqiptare, stafi liston 10 gjërat që u lënë më së shumti mbresë, gjatë jetës në Shqipëri.
1. Na pëlqeu suksesi i kombëtares shqiptare në Kampionatin Europian të Futbollit dhe tifozët kuq e zi.
2. Më pëlqen të mendoj nëse kjo (tundja e kokës majtas-djathtas) do të thotë ‘po’ apo ‘jo’
3. Raki rushi, raki mani, raki luleshtrydhe, raki kumbulle, raki molle, raki mare.
4. Të ngjitem në shtigjet e mrekullueshme malore dhe të notoj në lumenjtë e rrëmbyeshëm të kanioneve
5. Perimet dhe frutat e freskëta
6. Më pëlqen të paguaj me lekë të vjetra. Apo të reja?
7. Nëse mbijetoni në trafikun shqiptar je gati të konkurrosh në Formula 1 dhe të mundesh Lewis Hamilton.
8 .Mikpritja e mrekullueshme shqiptare.
9. Dy volume: lartë dhe shumë lartë.
10. Mjaftoni të dini vetëm një fjalë shqip: Mirë! Mirë? Mirë!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
