Më 29 qershor shënohen dy data me rëndësi ndërkombëtare: Dita Ndërkombëtare e Tropikëve dhe Dita Ndërkombëtare e Peshkatarit.
Dita Ndërkombëtare e Tropikëve u shpall nga Asambleja e Përgjithshme e Kombeve të Bashkuara për të rritur ndërgjegjësimin mbi sfidat me të cilat përballen rajonet tropikale, si ndryshimet klimatike, varfëria dhe zhvillimi i qëndrueshëm, si edhe për të vlerësuar pasurinë e tyre të jashtëzakonshme biologjike dhe kulturore.
Ndërkohë, Dita Ndërkombëtare e Peshkatarit i kushtohet komuniteteve të peshkatarëve dhe rëndësisë së peshkimit të qëndrueshëm për mbrojtjen e burimeve detare dhe sigurimin e jetesës së miliona njerëzve në mbarë botën.
Origjina e kësaj dite nuk është e dokumentuar zyrtarisht, por data 29 qershor lidhet me festën e Shën Pjetrit, një prej dymbëdhjetë apostujve, i cili para se të bëhej dishepull i Jezu Krishtit ishte peshkatar.
Për këtë arsye, ai nderohet në traditën e krishterë si shenjt mbrojtës i peshkatarëve.
Dita Ndërkombëtare e Peshkatarit festohet veçanërisht në vendet e rajonit të Karaibeve, ku organizohen aktivitete të ndryshme, si konferenca, ekspozita, gara sportive, regata dhe veprimtari kulturore që zgjasin për disa ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
