Më 9 qershor shënohet Dita Ndërkombëtare e Arkivave.
Kjo datë është vendosur nga Këshilli Ndërkombëtar i Arkivave (ICA) për të përkujtuar themelimin e këtij institucioni në vitin 1948 dhe për të rritur ndërgjegjësimin e publikut mbi rëndësinë e ruajtjes së dokumenteve historike.
Në vitin 2007, 9 qershori u shpall zyrtarisht si Dita Ndërkombëtare e Arkivave. Kjo ditë shërben si një përkujtesë e përvitshme e 9 qershorit 1948, kur, nën kujdesin e UNESCO-s, u krijua Këshilli Ndërkombëtar i Arkivave.
Arkivat e para mendohet të jenë krijuar rreth 4000 vite para erës sonë nga qytetërimi sumerian, me qëllim kryesor dokumentimin dhe administrimin e veprimtarisë së qeverisjes së kohës.
Nga pikëpamja juridike, arkivat janë institucione shtetërore dhe joshtetërore të specializuara në mbledhjen, administrimin, ruajtjen dhe shërbimin e pasurisë arkivore. Këto institucione mbrohen dhe garantohen nga shteti.
Në ditët e sotme, çdo institucion shtetëror, por edhe shumë institucione të tjera, kanë në strukturën e tyre zyrën e sekretari-arkivit.
Në Shqipëri, më 21 gusht 1949 u krijua Arkivi i Shtetit Shqiptar, si pjesë e Institutit të Shkencave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
