Bien ndjeshëm infektimet nga Covid, asnjë humbje jete në 24 orët e fundit

Ministria e Shëndetësisë raporton se gjatë 24 orëve të fundit kanë rezultuar pozitivë me koronavirus 192 qytetarë.

Gjatë orëve të fundit nuk është shënuar asnjë viktimë, ndërsa kanë fituar betejën me virusin e rëndë 563 të infektuar.

Konkretisht janë kryer 561 testime, nga të cilat kanë rezultuar pozitivë me COVID19, 192 qytetarë, në këto bashki: 124 në Tiranë, 13 në Kavajë, 9 në Vorë, 8 në Lushnje, 7 në Durrës, 6 në Vlorë, 5 në Gjirokastër, 4 në Gramsh, 3 në Kolonjë, nga 2 qytetarë në Pukë, Tepelenë, Skrapar, nga 1 qytetar në Has, Tropojë, Divjakë, Mallakastër, Selenicë, Delvinë, Sarandë.

Aktualisht në spitalin COVID3 po marrin trajtim 30 pacientë. Në 24 orët e fundit nuk ka asnjë humbje jete me Sars-Cov2.

Janë shëruar 563 qytetarë gjatë 24 orëve të fundit, duke e çuar numrin e të shëruarve në 279,003 që nga fillimi i epidemisë.

Janë 5,659 qytetarë aktivë me Covid19 në gjithë vendin.

Shpërndarja gjeografike e rasteve aktive sipas qarqeve:

Tiranë 3,507

Fier 380

Durrës 357

Vlorë 328

Berat 219

Shkodër 196

Elbasan 195

Gjirokastër 164

Lezhë 130

Korçë 88

Dibër 66

Kukës 29