Një ditë para hapjes së fazës së dytë për aplikimin e maturantëve për programe të ndryshme studimi, Ministria e Arsimit ka vënë në dispozicion sistemin online për të parë kuotat e lira për çdo universitet.
Maturantët, përmes hyrjes në llogari me ID personale, do të mund të përllogarinin mundësitë dhe programet ku mund të aplikojnë. Kjo u bë e ditur nga faqja zyrtare e Ministrisë së Arsimit. Ndërkohë që vetë ministrja e Arsimit dhe Sportit, Lindita Nikolla, realizoi një takim me maturantët, për shkak të mbylljes së fazës së parë të futuesve.
Për ju maturantë, që do të vijoni garën për kuotat e lira në universitetet publike, ministria e Arsimit dhe Sportit vë në dispozicionin tuaj sistemin online Portali i klasifikimit.
Ju do të logoheni vetëm me ID e Maturantit. Do të konsultoni rezultatet e arritura në raundin e parë dhe nëpërmjet këtij informacioni do të përllogarisni edhe mundësitë për programet ku mund të aplikoni përpara se të nisni aplikimin për raundin e dytë. Portali do të jetë i disponueshëm për ju përmes çdo aparati komunikimi me akses në internet.
https://klasifikimi.ualbania.rash.al është portali online që MAS ka vënë në dispozicion të maturantëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
