Italia vijon të regjistrojë një numër të lartë infektimesh me Covid-19. Sipas mediave vendase, këtë të hënë janë tejkaluar mbi 2 milionë raste pozittive me koronavirus. Kryeministri italian, Mario Draghi në një konferencë për shtyp ka analizuar situatën e krijuar nga Covid-19 dhe masat për të luftuar pandeminë.
Ai është shprehur se shumica e problemeve me të cilat po përballet vendi varen nga qytetarët e pavaksinuar. Ndërsa i ka bërë thirrje qytetarëve të mos hezitojnë por të marrin edhe dozën e tretë. I ndalur edhe tek arsimi, Draghi theksoi se shkolla nuk duhet braktisur, por duhet mbrojtur.
“Shkolla është thelbësore për demokracinë, duhet mbrojtur dhe jo braktisur. Nuk ka kuptim që shkolla të mbyllet nëse gjithçka tjetër do të mbetet e hapur. Qeveria po përballet me sfidën e pandemisë dhe përhapjen e varianteve shumë të transmetueshme. Ne duhet të jemi shumë të kujdesshëm, por gjithashtu dihet të përpiqemi të minimizojmë efektet ekonomike. Prioritet mbetet që shkolla të jetë e hapur. Nuk duhet të ketë pabarazi mes nxënësve . Viti 2022 është një vit që duhet të përballojmë me maturi, besim dhe me unitet”, ka thënë Draghi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
