30 marsi shënon Ditën Ndërkombëtare të Mjekëve, një ditë e dedikuar për të vlerësuar dhe nderuar punën, përkushtimin dhe kontributin e tyre në shoqëri dhe në komunitet.
Kjo festë u shënua për herë të parë në vitin 1933, me rastin e përvjetorit të parë të përdorimit të anestezisë me eter. Eudora Brown Almond, bashkëshortja e një mjeku nga Gjeorgjia, besonte se mjekët meritonin më shumë vlerësim për kontributin e tyre të jashtëzakonshëm.
Ajo u dërgoi kartolina urimi të gjithë mjekëve vendas dhe bashkëshorteve të tyre, si dhe vendosi lule mbi varret e mjekëve të ndjerë. Lulet ishin karafila të kuq, të cilët më vonë u bënë simbol i kësaj dite.
Karafili i kuq përdoret gjerësisht si simbol mirënjohjeje për të thënë “faleminderit” mjekëve për përkushtimin e tyre në shërbim të jetës dhe shëndetit.
Në këtë ditë, njerëzit shprehin mirënjohjen dhe respektin ndaj mjekëve për punën e tyre të palodhur, përkushtimin dhe dhembshurinë që tregojnë çdo ditë ndaj pacientëve, kolegëve dhe komunitetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
