Këshilltarja e presidentit Trump për koronavirusin, Deborah Birx është shprehur se situata e fundit në Itali dhe Spanjë ku rastet e infeksionit dhe vdekjet janë ulur në ditët e fundit, na jep shpresë se çfarë do të ndodhë në të ardhmen në Shtetet e Bashkuara.
Ditën e diel, Nju Jorku që konsiderohet një nga “vatrat e kuqe” të pandemisë në SHBA, shënoi një ulje të viktimave dhe rasteve të reja me koronavirus.
“Shpresojmë se pas javës së ardhshme do të shohim një stabilizim të situatës në zonat metropolitane ku shpërtheu Covid-19 në javët e shkuara”, u shpreh doktoresha Birx.
Momentalisht Shtetet e Bashkuara konfirmojnë 337 mijë persona të infektuar dhe 9619 viktima nga virusi. Në Itali, të dielën u raportuan 525 viktima në 24 orë, niveli më i ulët i humbjeve të jetës që prej 19 marsit. Po ashtu ulje të numrit të viktimave nga koronavirusi u regjistrua dhe në Spanjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
