Ministria e Drejtësisë, Ministria e Arsimit, Sportit dhe Rinisë dhe Ambasada italiane në Tiranë nënshkruan sot marrëveshjen trepalëshe që do të sjellë pilotimin e një projekti inovativ didaktik-edukativ antikorrupsion, i cili do të zbatohet fillimisht në shkolla të përzgjedhura duke filluar nga shtatori i 2021 dhe më pas do të aplikohet në nivel kombëtar.
Ministrja e Drejtësisë, Etilda Gjonaj vlerësoi nënshkrimin e kësahj marrëveshje, ndërsa shtoi se “sot i dhamë rrugë një bashkëpunimi të ri në një fushë e cila është në krye të prioriteteve të qeverisë shqiptare, lufta kundër korrupsionit”.
“Jam besimplotë se është një inciative që do të promovojë integritetin në shoqëri dhe në komunitet, pasi për të krijuar një kulturë të qëndrueshme antikorrupsion gjithçka fillon nga edukimi i fëmijëve tanë”, tha Gonaj.
Sipas saj, “kjo marrëveshje është vetëm hapi i parë i një bashkëpunimi të qëndrueshëm ndërinstitucional dhe ndërkombëtar në kuadër të shkëmbimit të eksperiencave më të mira lidhur me edukimin antikorrupsion”.
“Vetëm nëpërmjet edukimit të brezave të ardhshëm ne do të mund të materializojmë vizionin tonë për një shoqëri dhe kulturë integriteti. Faleminderit koleges Evis Kushi dhe ambasadorit italian, Fabrizio Bucci për bashkëpunimin”, tha Gjonaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
