Ministrja e Shëndetësisë dhe Mbrojtjes Sociale, Ogerta Manastirliu vizitoi sot një qendër vaksinimi shëndetësor në Krujë, ku ndoqi nga afër procesin e vaksinimit.
Ministrja duke parë ecurinë e procesit të vaksinimit në këtë qytet, informoi se tashmë janë siguruar vaksinat falas afër vendbanimeve për çdo komunitet.
“Kemi siguruar vaksinat anticovid falas në çdo komunitet, afër vendbanimit, falë punës së vaksinatorëve në rrjetin e qendrave shëndetësore në të gjithë vendin”
Bashkë me apelin drejtuar qytetarëve për t’u vaksinuar, Manastirliu kërkoi veçanërisht nga mjekët e familjes që të informojnë qytetarët mbi përfitimet e vaksinimit.
Ndërkohë edhe 31,590 doza vaksine Pfizer mbërritën dje në Aeroportin “Nënë Tereza”, duke e çuar në 2,045,310 sasinë e vaksinave anticovid që kanë mbërritur deri tani në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
