Ministria e Shëndetësisë dhe Mirëqenies Sociale ka dalë me një njoftim zyrtar lidhur me gjendjen e personave të lënduar deri në orën 16:00 të ditës së sotme.
Sipas autoriteteve shëndetësore, në Spitalin Universitar të Traumës kanë mbërritur tre persona për të marrë ndihmë mjekësore.
Të lënduarit e regjistruar deri më tani janë një efektiv policie, një i mitur i moshës 15-vjeçare, si dhe një përfaqësuese e mediave. Ministria konfirmon se gjendja shëndetësore e të tre pacientëve paraqitet stabël.
Ata aktualisht po kryejnë të gjitha ekzaminimet e nevojshme dhe po ndiqen me kujdes nga stafet mjekësore dhe infermierore të spitalit.
Nga ana tjetër, Ministria e Shëndetësisë ka reaguar ashpër ndaj disa raportimeve të paverifikuara që kanë qarkulluar së fundmi në rrjet. Institucioni përgënjeshtron kategorikisht lajmet për humbjen e jetës së një të mituri, duke e cilësuar këtë informacion si plotësisht të pavërtetë.
Në përmbyllje të njoftimit, MSHMS u bën thirrje mediave dhe opinionit publik të tregojnë kujdes dhe përgjegjësi të lartë në verifikimin e informacioneve përpara shpërndarjes së tyre.
Sipas ministrisë, përhapja e lajmeve të rreme në këto momente shkakton panik të pajustifikuar, shqetësim të madh te familjarët dhe tensione të panevojshme në shoqëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
