Policia franceze raportoi se ka shoqëruar shtatë persona në lidhje me sulmin me thikë që ndodhi të premten pranë ish-zyrave të revistës satirike Charlie Hebdo në Paris.
Një person i paidentifikuar lëndoi dy persona duke i qëlluar me thikë.
I dyshuari kryesor përshkruhet të jetë një 18-vjeçar me origjinë nga Pakistani, i cili u arrestua pranë vendngjarjes, ndërkohë që sulmi po trajtohet si terrorist. Gjashtë të tjerët po merren në pyetje.
Ministri i Brendshme e Francës Gerald Darmanin u shpreh të premten se ngjarja “ishte akt i qartë i terrorizmit islamist” dhe se policia kishte nënvlerësuar situatën e paraqitur në zonë.
Sulmi ndodhi teksa në Francë po vijon gjyqi ndaj 14 të akuzuarve se ndihmuan xhihadistët që organizuan sulmin e vitit 2015 në zyrat e Charlie Hebdo-së, sulm në të cilin mbetën të vrarë 12 persona.
Revista satirike njihet për karikaturat kontraverse. Në vitin 2015 ajo trazoi komunitetin musliman me skicime të profetit Muhamed, karikaturat e të cilit u ribotuan së fundmi.
Pas ngjarjes së 7 janarit 2015, Charlie Hebdo ndryshoi zyra, ndërtesa aktualisht përdoret nga një kompani televizive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
